Wednesday 31 May 2017

Best of ALLAMA IQBAL URDU POETRY



Best of ALLAMA IQBAL URDU POETRY:



Ai taayir-e-laahooti us rizq se maut achhi
Jis rizq se aatee hai parvaaz meiN kotaahee

Barbad gulistaan karne ko to ek hi ullu kaafi tha.
Yahan..har shaakh pe ullu baitha hai anjam-e-gulistan kya hoga

Paani paani kar gayee mujh ko qalandar ki ye baat
Tu agar maira nahiN banta na ban, apna to ban



Bani aghyar ki ab chahnay wali dunya
reh gai apnay liyay aek khayali dunya
ham to rukhsat howay aoron nay sanbhali dunya
phir na kehna keh hoi taoheed say khali dunya
ham to jitay hen dunya mein tera naam rahay
kaisay mumkin hay, saqi na rahay jaam rahay

Nam e jamhoor pe bazaar saja rakha hay
biktay hen log yahan daam laga kar dekho
Ham say Mahtab kahan zakhm sajanay walay
tum koi teer naya dil pe chala kar dekho



Ki MUHAMMAD say wafa too nay to ham teray hen
ye jahan cheez hay kia loh o qalam teray hen



Hazaron saal nargis apni benoori pe roti hay
bardi mushkil say hota hay chaman mein deedawar paida



Jab Ishq sikhata hai aadab-e-khud aagahi
Khultey hain ghulamon pe asrar-e-shahanshahi
Atar ho, Roomi ho, Razi ho, Ghazali ho
Kuch haath nahin aata bey aah-e-sehar gahi



Gul zamin bech de, aasman bech de
Aadmi ke bas bas me ho to jahan bech de
Deen saboot ke sahab, adal ho nahi sakta
 Kab gawah badal jaye kab byan bech de



Jis khait say dehqan ko mayassar na ho rozi
us khait kay har khosha e gandum ko jala do



Butoon se tujh ko umeedein, khuda se na umeedi
mujhe batta tu he orr KAFIRI kia hai?



"Zabaan sey gar kiya tauheed ka da’wa to kya hasil ?
Banaya hay Bute pindaar ko apna khuda tuney"



MaiN jo sar ba-sajda huwa kabhi, to zameeN se aanay lagi sada
Tera dil to hai sanam aashna, tujhay kya milay ga namaaz meiN



Patthar ki moortoN meiN samjha hai tu Khuda hai
Khaak-e-watan ka mujh ko har zarra daivta hai



tehzeeb_e farangi hay agar marg-e amomat
hay hazrat-e insaa.n k leye is ka samar mout
jis ilm ki taseer sey zan hoti hay na nazan!
kehtey hain usi ilm ko arbaab-e nazar mout
begana rahey dee.n sey agar madrasa-e zan
hay ishq-o mohabbat k leye ilm-o hunar mout



YaqeeN muhkam, amal paiham, mohabbat faateh-e-aalam
Jehaad-e-zindagaanee meiN yeh haiN mardoN ki shamsheeraiN



Koyee andaaza kar sakta hai is k zoar-e-baazoo ka
Nigaah-e-mard-e-momin se badal jaatee haiN taqdeeraiN



Apney bhi Khafa mujh se haiN baygaaney bhi naaKhush
MaiN zahr-e-halaahal ko kabhee kah na saka qaNd



Nikaala ham ko Janat se Fareb-e-Zindagi dey ker
Dia phir shaoq-e-Janat kyon, Ye Hairaani nhi jati...!!!



Nahi Tera Nasheman Qasr E Sultaani Ki Gunbad Par
Tu Shaheen Hai Basera Kar Pahaaron ki Chataanon Main



khudi ki parwarish-o tabiyat pe hay moqoof
k musht-e khaak main paida ho aatish-e huma soz!
yehi hay sir-e kaleemi har ik zamaney main!
hawa-e dasht -o shoaib-o shabani-e shab-o roz



Tere ishq ki inteha chahta hun
Meri saadgi dekh kya chahta hun
Zara sa to dil ho magar shokh itna
Wohi lantoorani sunna chahta hun
Ye jannat mubarak rahe zaahidon ko
Ke men aap ka saamna chahta hun
Bhari bazm men raaz ki baat keh di
Bara be-adab hun saza chahta hun



ajab waiz ki din-dari hai ya rab
adawat hai ise sare jahan se

koi ab tak na ye samjha k insan
kahan jata hai ata hai kahan se

wahin se rat ko zulmat mili hai
chamak taron ne pai hai jahan se

ham apni dard-mandi ka fasana
suna karte hain apne razdan se

bari barik hain waiz ki chalen
laraz jata hai awaz-e-azan se















ham mashriq k musalmanon ka dil magrib mein ja atka hai
wahan kuntar sab billori hai, yahan ek purana matka hai

is daur mein sab mit jayenge, han baqi wo rah jayega
jo qayam apni rah pe hai, aur pakka apni hat ka hai

ae shaikh-o-brahman sunte ho kya ahl-e-basirat kahte hain
gardon ne kitani bulandi se un qaumon ko de patka hai



jnhen main dhundhta tha asmanon mein zaminon mein
wo nikle mere zulmat-e-khana-e-dil k makinon mein

mahine wasl k ghariyon ki surat urte jate hain
magar ghariyan judai ki guzarti hai mahinon mein

mujhe rokega tu ai nakhuda kya garq hone se
k jin ko dubna hai dub jate hain safinon mein

jala sakti hai sham-e-kushta ko mauj-e-nafas un ki
ilahi kya chupa hota hai ahal-e-dil k sinon mein

tamanna dard-e-dil ki ho to kar khidmat faqiron ki
nahin milta ye gauhar badshahon k khazinon mein

muhabbat k liye dil dhundh koi tutnewala
ye wo mai hai jise rakhte hain nazuk abginon mein

bura samajhun unhen mujh se to aisa ho nahin sakta
k main khud bhi to hun "Iqbal" apne nuktachinon mein




kabhi ai haqiqat-e-muntazir nazar a libas-e-majaz mein
k hazaron sajde tarap rahe hain teri jabin-e-niyaz mein

tarab ashna-e-kharosh ho tu nawa hai mahram-e-gosh ho
wo surur kya k chaya hua ho sukut-e-parda-o-saz mein

tu bacha bacha k na rakh ise tera aina hai wo aina
k shikasta ho to aziz tar hai nigah-e-aina-saz mein

dam-e-tauf kar mak-e-shamma na ye kaha ke wo asr-e-kohan
na teri hikayat-e-soz mein na meri hadis-e-gudaz mein

na kahin jahan mein aman mili jo aman mili to kahan mili
mere jurm-e-khanakharab ko tere azo-e-banda-nawaz mein

na wo ishq mein rahin garmiyan na wo husn mein rahin shokhiyan
na wo gaznawi mein tarap rahi na wo kham hai zulf-e-ayaz mein

jo main sar-ba-sajda kabhi hua to zamin se ane lagi sada
tera dil to hai sanam-ashana tujhe kya milega namaz mein

khird k pas khabar k siwa kuch aur nahin
tera ilaj nazar k siwa kuch aur nahin

har muqam se age muqam hai tera
hayat zauq-e-safar k siwa kuch aur nahin

rangon mein gardish-e-khun hai agar to kya hasil
hayat soz-e-jigar k siwa kuch aur nahin

urus-e-lala munasib nahin hai mujhse hijab
k main nasim-e-sahar k siwa kuch aur nahin

jise qasad samajhte hain tajran-e-firang
wo shay mata-e-hunar k siwa kcuh aur nahin

giranbaha hai to hifz-e-khudi se hai warna
gauhar mein ab-e-gauhar k siwa kuch aur nahin



lab pe ati hai dua ban k tamnna meri
zindagi shamma ki surat ho Khudaya meri

dur duniya ka mere dam andhera no jaye
har jagah mere chamakne se ujala ho jaye

ho mere dam se yun hi mere watan ki zinat
jis tarah phul se hoti hai chaman ki zinat

zindagi ho meri parwane ki surat ya rab
ilm ki shamma se ho mujhko mohabbat ya rab

ho mera kam garibon ki himayat karna
dard-mandon se zaifon se mohabbat karna

mere Allah burai se bachana mujhko
neik jo rah ho us rah pe chalana mujhko





mohabbat ka junun baqi nahin hai
musalmanon mein khun baqi nahin hai

safen kaj, dil pareshan, sajda bezuk
k jazba-e-andrun baqi nahin hai

ragon mein lahu baqi nahin hai
wo dil, wo awaz baqi nahin hai

namaz-o-roza-o-qurbani-o-haj
ye sab baqi hai tu baqi nahin hai



mumkin hai ke tu jisako samajhata hai baharan
auron ki nigahon mein wo mausam ho khizan ka

hai sil-sila ehwal ka har lahja dagargun
ae salek-rah fikr na kar sudo-zayan ka

shayad k zamin hai wo kisi aur jahan ki
tu jisko samajhta hai falak apne jahan ka





nahin minnat-kash-e-tab-e-shanidan dastan meri
khamoshi guftagu hai, bezubani hai zaban meri

ye dastur-e-zaban-bandi hai kaisi teri mahfil mein
yahan to bat karne ko tarasti hai zaban meri

uthaye kuch waraq lala ne kuch nargis ne kuch gul ne
chaman mein har taraf bikhri hui hai dastan meri

ura li kumariyon ne tutiyon ne andlibon ne
chaman walon ne mil kar lut li tarz-e-fugan meri

tapak ai shama ansu ban k parwane ki ankhon se
sarapa dard hun hasrat bhari hai dastan meri

ilahi phir maza kya hai yahan duniya mein rahne ka
hayat-e-jawidan meri na marg-e-nagahan meri




sach kah dun ai brahman gar tu bura na mane
tere sanam kadon k but ho gaye purane

apnon se bair rakhna tu ne buton se sikha
jang-o-jadal sikhaya waiz ko bhi Khuda ne

tang ake akhir main ne dair-o-haram ko chora
waiz ka waz chora, chore tere fasane

patthar ki muraton mein samjha hai tu Khuda hai
khak-e-watan ka mujh ko har zarra dewata hai

a gairat k parde ik bar phir utha dein
bichron ko phir mila dein naqsh-e-dui mita den

suni pari hui hai muddat se dil ki basti
a ik naya shiwala is des mein bana den

dunya k tirathon se uncha ho apna tirath
daman-e-asman se is ka kalas mila dein

har subah mil k gayen mantar wo mihe mihe
sare pujariyon ko mai pit ki pila dein

shakti bhi shanti bhi bhakton k git mein hai
dharti k basiyon ki mukti prit mein hai







sakhtiyan karta hun dil par gair se gafil hun main
hay kya achi kahi zalim hun main jahil hun main

hai meri zillat hi kuch meri sharafat ki dalil
jis ki gaflat ko malak rote hain wo gafil hun main

bazm-e-hasti apni araish pe tu nazan na ho
tu to ik taswir hai mahfil ki aur mahfil hun main

dhundhata phirta hun ai "Iqbal" apne ap ko
ap hi goya musafir ap hi manzil hun main



sare jahan se acha hindustan hamara
ham bul-bulen hain is ki ye gulistan hamara

gurbat mein hon agar ham rahta hai dil watan mein
samjho wahin hamein bhi dil ho jahan hamara

parwat wo sab se uncha hamsaya asman ka
wo santri hamara wo pasban hamara

godi mein kheli hain is ki hazaron nadiyan
gulshan hai jin k dam se rashk-e-janan hamara

ai ab-e-rud-e-ganga wo din hai yad tujh ko
utra tere kinare jab karwan hamara

mazhab nahin sikhata apas mein bair rakhna
hindi hain ham watan hai hindustan hamara

yunan -o-mishr-o-roma sab mit gaye jahan se
ab tak magar hai baqi nam-o-nishan hamara

kuch bat hai k hasti mitati nahin hamari
sadyon raha hai dushman daur-e-zaman hamara

'Iqbal' koi mahram apna nahin jahan mein
malum kya kisi ko dard-e-nihan hamara



sitaron se age jahan aur bhi hain
abhi ishq k imtihan aur bhi hain

tahi zindagi se nahin ye fazayen
yahan saikaron karawan aur bhi hain

kanat na kar alam-e-rang-o-bu par
chaman aur bhi, ashiyan aur bhi hain

agar kho gaya ek nasheman to kya gam
maqamat-e-ah-o-fugan aur bhi hain

tu shahin hai parwaz hai kam tera
tere samne asman aur bhi hain

isi roz-o-shab mein ulajh kar na rah ja
k tere zamin-o-makan aur bhi hain

gae din k tanha tha main anjuman mein
yahan ab mere razadan aur bhi hain





tere ishq ki intaha chahta hun
meri sadgi dekh kya chahta hun

sitam ho k ho wada-e-behijabi
koi bat sabr-azma chahta hun

ye jannat mubarak rahe zahidon ko
k main ap ka samna chahta hun

koi dam ka mehman hun ai ahl-e-mahfil
chirag-e-sahar hun, bujha chahta hun

bhari bazm mein raz ki bat kah di
bara be-adab hun, saza chahta hun



tu abhi rahguzar mein hai qaid-e-makam se guzar
misr-o-hijaz se guzar, paires-o-sham se guzar

jis ka amal hai be-garaz, us ki jaza kuch aur hai
hur-o-khayam se guzar, bada-o-jam se guzar

garche hai dilkusha bahot husn-e-firang ki bahar
tayarek buland bal dana-o-dam se guzar

koh shigaf teri zarab tujhse kushad sharq-o-garab
teze-hilahal ki tarah aish-o-nayam se guzar

tera imam be-huzur, teri namaz be-surur
aisi namaz se guzar, aise imam smumkin hai ke tu jisako samajhata hai baharan e guzar

utho meri dunya k garibon ko jaga do
khak-e-umra k dar-o-diwar hila do

garmao gulamon ka lahu soz-e-yaqin se
kunjishk-e-phiromaya ko shahin se lara do

sultani-e-jamahur ka ata hai zamana
jo naqsh-e-kuhan tum ko nazar aye mita do

jis khet se dahqan ko mayassar nahin rozi
us khet k har khosha-e-gandum ko jala do

kyon khaliq-o-makhluq mein hayal rahen parde
piran-e-kalisa ko kalisa se hata do

main nakhush-o-bezar hun marmar k silon se
mere liye mitti ka haram aur bana do

tahazib-e-nawin kargah-e-shishagaran hai
adab-e-junun shayr-e-mashriq ko sikha do



Amal se zindagi banti hai, jannat b jahanum b
yeh khaaki apni fitrat mein na noori hai na naari hai


paani paani kr gayi mujhko qalandar ki woh baat
tu jhuka jo ghair k agay na tan tera na man tera...



jo main sar basajda hua kahin
tu zameen se anay lagi sada
tera dil tu hai sanam aashna
tujhe kya milega namaz mein...



Parindon Ki Duniya Ka Darvaish hoon main
Kay Shaheen banata nahin Aashiyana



Shab Guzri Ek Aalam-E-Iztarab Main
Kal Aagaye Iqbal Mere Khuaab Main

Poocha,Kia Arz-E-Watan Ka Haal Hey??
Arz Ki!Kahin Harbong,Kahin Hartal Hey!

Poocha,Kese Hain Millat’e'islamia K Sham’o’sahar?
Arz Ki,Muztarib Hain Sabhi, Karachi Ta Kashghar!

Bole,Kuch Merey Dars-E-Masawat Yaad Hain?
Arz Ki,Ab Tu Bus Apne Apne Tabqat Yaad Hain!

Kia Baaqi Hain Qaid K Afkar’o'huner,Woh Tanzeem’o'yaqeen?
Arz Ki,Allama!Itni Cheezain Tu Kabhi Ham Main Thin Hi Nahin!

Mayoos Lage!K Yaani Apne Qaid K Ehsanaat Bhool Gaye?
Arz Ki,”Ji Aaqa Ham Waqai Apni Apni Oaqat Bhool Gaye!

Ummid Se Poocha!Woh Jo Faqeerana Khudi Ki Maine Taleem Ki??
Arz Ki! “Us Main Tu Her Leader Ne Apni I Marzi Ki Tarmeem Ki!

Kaha ‘Mager Maine Tu Tableegh-E-Tarz’e’shaheen Ki??
Arz Ki.”Lekin Musharraf Ne ‘Neutral”Rehne Ki Talqeen Ki!

Poocha K’ Kia Hua Aisa Jo Mard-E-Momin Sehma Sa Hey?
Arz Ki,’ Bush Ne Poocha Tha “Bata Teri Raza Kia Hey”

Poocha”Kia Hoi Woh Aqeedat Jo Gumbad-E-Qasr’e’sultani Se Thi?
Arz Ki” Murshid!Ab Tu Woh Aishwarya Se Hey,Kal Tak Raani Se Thi!

Bole”Kia Ab Bhi Wohi Geirat Pakhton Aur Afghan Main Hey?
Arz Ki”Bohut Thori Si Mager Sirf Shahrukh Khan Main Hey!

“Aur Woh Jazba Jo Kabhi Jamal Uddin Afghani Main Thaaa?
Arz Ki” Kuch Dinon Tak Tu Dekha Sind K Paani Main Tha!

Afsos!’Wohi Benoori,Wohi Ashk Hain Merey Nargisi Cha Man Main!!!
Peer’o'murshid!”Ek Aap Hi Deedawar The Saare Watan Main!!

Yaani Aman Ki Fakhta,Woh Dardmand Bulbul So Gaye ???
Nahi Huzoor!’Americans Kab K Qabiz’e'kabul Ho Gaye!

Farmaya,” Fatah Sirf Aur Sirf Taleem-O-Iejaad Main Hey!
Arz Ki,”Ji! Isi Lye ‘Genius Gora, Aajkal Baghdad Main Hey!

Poocha,”Kiaa Mard’e'momin Sabhi Behis Ho Gaye Hain??
Arz Ki,”No Sir!!Kahin Kahin Kuch Parcham Aur Putle Jale Hain!

Ab K Poocha ‘Kia Agle Waqton Ki Hi Koi Tayyari Hey”?
Arz Ki” Yes We R Ready!K Iraq K Baad Ab Apni Hi Baari Hey!

Poocha, ‘Kia Nahi Chahta Momin K Khatima Bil’kher Ho??
Arz Ki,’ Mager Koi Nahi Chahta K America Ko Us Se Ber Ho!

Jhilla Ker Bole,’ Shikwa K Saath Mera Jawab’e’shikwa Bhi Samjha Hota!!
Arz Ki” Allama Sahab!Sirf Samajh Boojh Lene Se Bhi Kia Mujzaa Hotaa?

‘Kia Hijrat Ki Daastan Bhi Nahi Sunai Kisi Ne?
“Sir Jee!Jinhon Ne Sunai Phir Loota Hey Unhi Ne!

Afsos!Kahin Bhi Watan Main Zarb’e'kaleemana Nahi !
Murshid!’ Yeh Tey Hey K Ab Jang Per Tu Jana Nahi!S

Jate Huwe Bole!” Yaani Ab Zara Bhi Ittehad Nahi,Millat Ki Nigehbani K Lye”
Arz Ki “Nahi Hazrat,Ab Bhi” Ek Hain Muslim “Charam’ Paasbani K Lye’




Kabhi Hairat Kabhi Masti Kabhi Ah Sehar Gahi
Badalta hai hazaroon rang mera dard mehjori!
Had Adrak say Bahar hain Batain Ishq-o-Masti ki
Samajh main iss qadar aya kay dil ki mot hai doori

________________

Kuwata-e-ishq say har past ko bala kar day
dahr main Ism-e-Muhammad say ujala kar day

_______________

Ho teray dum say shagufta chaman-e-dahr tamam
Sair is baagh ki kar bad-e-sehar ki sorat





Garchey to Zindagaani Asbaab hai

Kalb ko lekin Zarra Azaad rakh.

Akal ko tankeed se Fursat nahi

Ishq par amaal ki Buniyaad rakh.

Aaey musalmaa har gharri peshi nazar

Aiye la yukhliful miaad rakh.

Ye lasaan al asr ka paigaam hai

Inna wadallahi hakku yaad rakh.




mumkin hai ke tu jisako samajhataa hai bahaaraan
auron kii nigaahon mein wo mausam ho Khizaan kaa
hai sil-silaa ehawaal kaa har lahjaa dagaragoon
ae saalek-rah fikr na kar sood-o-zayaan kaa

shaayad ke zamin hai wo kisii aur jahaan kii
tu jisko samajhtaa hai falak apane jahaan kaa






nahin minnat-kash-e-taab-e-shaniidan daastaan merii
Khaamoshii guftagu hai, bezubaanii hai zabaan merii
ye dastuur-e-zabaan-bandii hai kaisii terii mahafil mein
yahaan to baat karne ko tarastii hai zabaan merii
uthaaye kuch varaq laalaa ne kuch nargis ne kuchh gul ne
chaman mein har taraf bikharii huyii hai daastaan merii
uraa lii qumariyon ne tootiyon ne andaliibon ne
chaman vaalon ne mil kar looT lii tarz-e-fugaan merii
Tapak ai shama aansuu ban ke parvaane kii aankhon se
saraapaa dard hoon hasrat bharii hai daastaan merii

ilaahii phir mazaa kyaa hai yahaan duniyaa mein rahne kaa
hayaat-e-jaavidaan merii na marg-e-naagahaan merii




“Sooraj humei’n har shaam ye dars deta hy,
k maghrib ki taraf jao gey tou doob jao gey….”



Majnoon nay sheher chora, tu Sehraa bhi chor day
Nizaray ki hawas ho tu Laila bhi chor day

Wa'az! kamal-e-tarq se milti hai yaan muraad
Duniya jo chor dii hai to uqbaa bhi chor day

Taqleed ki rawish se tu behtar hai Khud-Kushi
Rasta bhi dhoond, Hizar ka soda bhi chor day

Mannand-e-Khama Teri zuban per hai harf-e-gair
Begana Shay pe Nazish-e-Bejaa bhi chor day

Lutaf-e-Qalaam kya je naa ho dil mein DARD-e-ISHQ
Bismil nahe hai tu to Tarapna bhi chor day

Shabnam ki tarah pholoon pe ro, aur chaman se Chal
Iss Baagh mein Qyaam ka soda bhi chor day

Acha hai dil kay pass rahay pasbanay Aqal
Lakin kabhi kabhi issay tanha bhi chor day

Hai Ashiquee mein rasam alag sab se bethna
But-Khana bhi, Haram bhi, Kaleesa bhi chor day



vo aaye ghar me.n hamaare Khudaa kii qudrat hai
kabhi ham un ko kabhii apane ghar ko dekhate hain


dil best Urdu image poetry


Aisa kia likhon ke tere dil ko taskeen pohnchay
kia yeh kafi nahi ke meri duaon mein tum ho